ഓണം ബമ്പർ ഭാഗ്യവാൻ

ഞാൻ ആണ് ആ ഭാഗ്യവാൻ.

12 കോടി രൂപ. ചിന്തിക്കാൻ പോലും പറ്റാത്ത തുക.

കൊച്ചുവേളിയിൽ നിന്നും ബാംഗ്ലൂർക്കുള്ള ട്രെയിനിൽ കയറി. ട്രെയിൻ പതിയെ നീങ്ങി തുടങ്ങി. ഞാൻ ചെറു മയകത്തിലേക്കു വീണു. പക്ഷെ എന്റെ ഉപബോധമനസ് അപ്പോഴും ഉണർന്നിരിക്കുകയായിരുന്നു. മനസിൽ മുഴുവൻ TE 645465 എന്നെ എന്റെ ലോട്ടറി ടിക്കറ്റ് മാത്രം. മൂന്നു മണിക്ക് ഓണം ബമ്പർ ഫലം വന്നപ്പോഴേ ഞാൻ ഈ നമ്പർ കണ്ടത് ആണ്. എന്റേതു ആണ് ആ ടിക്കറ്റ്. കയ്യിൽ ആ ടിക്കറ്റും ആയി ഞാൻ നടക്കുകയാണ്. താമ്പാനൂരും കടന്ന് സ്റ്റാച്യു ആണ് ലക്ഷ്യം. സെക്രട്ടറിയേറ്റിലെ പച്ച ഗേറ്റ് എനിക്ക് വ്യക്തമായി കാണുന്നുണ്ട്. നടന്നു ഞാൻ നേരെ ഗേറ്റിനു അടുത്തെത്തി, അടുത്തു കണ്ട പൊലീസുകാരനോട്.

ചേട്ടാ എനിക്ക് ധനകാര്യ മന്ത്രിയെ ഒന്നു കാണണം. കാര്യം അല്പം സീരിയസ് ആണ്.

അതൊന്നും പറ്റില്ല, പോലീസുകാരൻ പറഞ്ഞു.

അതെന്താ പറ്റത്തെ, ഞാൻ പോക്കറ്റിൽ ഇരുന്ന ലോട്ടറി ടിക്കറ്റ് അല്പം ഉയർത്തി വച്ചു.

പോലീസുകാരൻ തലയിൽ കൈ വച്ചു. 

ഡെയ് നി നിന്റെ പോലീസ് സ്റ്റേഷൻ വിൽകുന്നുണ്ടോ? 2 കോടി തരാം. ഞാൻ അല്പം   ഉച്ചത്തിൽ പറഞ്ഞു.

സാർ അകത്തേക്ക് പോകു, പോലീസ് പറഞ്ഞു.

ഞാൻ മുന്നിൽ വിരിച്ചിരിക്കുന്ന ചുവന്ന പരവതനിയിൽ കൂടി നടന്ന് മുന്നോട്ടു നീങ്ങി. വതിൽപടിയും കടന്ന്, കോണി പടിയിൽ എത്തി. അവിടെയും ചുവന്ന പരവതാനി ഉണ്ടായിരിന്നു. ധനകാര്യ മന്ത്രിയുടെ മുറിയുടെ മുൻപിൽ എത്തി. കതക് അകത്തു നിന്നും പൂട്ടിയിരിക്കുന്നത് ആണ്. ഇനി ഞാൻ വരും എന്ന് അറിഞ്ഞു, അവർ അകത്തു നിന്നും പൂട്ടിയത് ആണോ? ഞാൻ ആ മുറിയുടെ മുൻപിൽ തന്നെ നിന്നു. ആരും തന്നെ ഇല്ല.

മണിക്കൂറുകൾ മുൻപോട്ടു പോയി. രാത്രിയുടെ ഇരുളും തണുപ്പും കടുക്കുന്നു. 12 കോടി കൊണ്ടുപോകുവാൻ വേണ്ടി കൊണ്ട് വന്ന ചാക്ക് നിലത്തു വിരിച്ചു അതിൽ കിടന്നു. കാശ് കയ്യിൽ കിട്ടിയാൽ ആ തമ്പാനൂരിലെ ഷോപ്പിംഗ് കോംപ്ലസ്‌ കൊടുക്കുന്നുണ്ടോ എന്നു ചോദിക്കണം എന്നൊക്കെ മനസിൽ വിചാരിച്ചു,  ഞാൻ ഒന്ന് മയങ്ങി പോയി.

ടി ടി യുടെ ടിക്കറ്റ് ടിക്കറ്റ് എന്ന വിളി കേട്ടാണ് ഞാൻ ഉണർന്നത്. ചാടി എഴുന്നേറ്റു മൊബൈലിൽ ടിക്കറ്റ് കാണിച്ചു കൊടുത്തു.

ടി ടി ആർ ഒന്നു ചിരിച്ചു, ഇത് ബാംഗ്ലൂരിൽ നിന്നും കൊച്ചുവേളിക്ക് യാത്ര ചെയ്യണ്ട ടിക്കറ്റ് ആണ്. വേറെ ടിക്കറ്റ് എടുക്കണം. 565 രൂപ . ടി ടി ആർ പറഞ്ഞു.

ഞാൻ പോക്കറ്റ് ഒന്നു തപ്പി നോക്കി. 40 രൂപയെ ഉള്ളു. അടുത്തിരുന്ന സുഹൃത്തിനെ നോക്കി.

അളിയാ ഒരു 600 രൂപ ഉണ്ടോ? ഞാൻ 12 കോടി കിട്ടുമ്പോൾ അതിൽ നിന്നും താരം.

അപ്പോൾ തുറന്ന വായ ഇപ്പോഴും അവൻ അടച്ചിട്ടില്ല.

കുറച്ചു നേരത്തിനു ശേഷം എനിക്ക് ശെരിയായ ബോധം വന്നു. ടിക്കറ്റ് എടുത്തു, യാത്ര തുടർന്നു.

ഇനി പൂജ ബംബറിൽ കാണാം😎😎😎