നല്ലവനായ കള്ളൻ

നല്ലവനായ കള്ളൻ!!!!!

ഇന്നു ഞായറാഴ്ച.

അപ്രതീക്ഷിതമായി ജനാലയിൽ കൂടി ഉള്ള ശബ്ദം ആണ് എന്നെ ഉണർത്തിയത്. സമയം ആറര മാണിയെ ആയിട്ടുള്ളു. ഞാൻ എഴുന്നേറ്റു ജനാലയുടെ അരികിൽ എത്തി. ശബ്ദം വന്നത് അയൽപക്കത്തെ വീട്ടിൽ നിന്നും ആണ്. കുറച്ചധികം നാട്ടുകാരും അവിടെ ഉണ്ട്. ഞാനും പതിയെ പുറത്തിറങ്ങി അയൽ വീട്ടിൽ എത്തി.

എന്താ പ്രശ്നം?, പരിചിതനായ അയൽവസിയോട് ചോദിച്ചു.

ഒരു കള്ളൻ വന്നു, അയൽവാസി മറുപടി പറഞ്ഞു.

കള്ളനോ, എന്നു മനസിൽ വിചാരിച്ചു കൊണ്ടു ഞാൻ അവിടുത്തെ ചേച്ചിയുടെ അടുത്തെത്തി.

ചേച്ചി കള്ളൻ എന്തേലും കൊണ്ടുപോയോ? ഞാൻ ചോദിച്ചു.

ആയോ, അനീഷേ കള്ളൻ ഒന്നും കൊണ്ടുപോയിട്ടില്ല, ചേച്ചി പറഞ്ഞു.

പിന്നെ...... ഞാൻ സംശയത്തോടെ ചേച്ചിയുടെ മുഖത്തേക്ക് നോക്കി.

ഞാൻ രാവിലെ ഉറക്കമുണർന് മുറ്റമടിക്കാൻ ആയി വീടിന്റെ വാതിൽ തുറന്നു.അപ്പോൾ ദേ ഇരിക്കുന്നു, ഒരു പൊതി. ആ പൊതി ഞാൻ കയ്യിൽ എടുത്തു തുറന്നു നോക്കി. അതിൽ രണ്ടു പവന്റെ ഒരു മാലയും കത്തും ഉണ്ടായിരുന്നു.

ആ കത്ത് ചേച്ചി എന്റെ നേർക്ക് നീട്ടി, ഞാൻ അതു കയ്യിൽ വാങ്ങി തുറന്നു വായിച്ചു.

"രണ്ടു കൊല്ലം മുൻപ് ഒരാവശ്യത്തിനായി ഞാൻ ഈ വീട്ടിൽ നിന്നും ഒരു മാല എടുത്തിരുന്നു. അതു ഞാൻ അപ്പോൾ പണയം വച്ചു, അപ്പോഴത്തെ സാമ്പത്തിക ബുദ്ധിമുട്ടുകൾ തീർക്കുവാൻ വേണ്ടി ആണ് മാല മോഷ്ടിച്ചത്. ഇന്ന് ഞങ്ങൾക്ക് പണം കിട്ടി, അപ്പോൾ തന്നെ മാല പണയം എടുത്തു. ആയതിനാൽ ഞാൻ മാല തിരികെ തരുന്നു. ഞാൻ കാരണം നിങ്ങൾക്കു ഉണ്ടായ സങ്കടങ്ങൾക് മാപ്പ്.

എന്നു സ്വന്തം ബന്ധു....."

കത്ത് വായിച്ചതിനു ശേഷം എനിക്ക് ചിരിയടക്കാൻ കഴിഞ്ഞില്ല. ചിരി അടക്കി പിടിച്ചുകൊണ്ടു ഞാൻ ഇങ്ങനെ പറഞ്ഞു.

ചേച്ചി നഷ്ടപ്പെട്ടു പോയി എന്നു കരുതിയിരുന്ന സ്വർണം തിരികെ കിട്ടിയല്ലോ, അപ്പോൾ സന്തോഷിക്കു. ബാക്കി എല്ലാം മറക്കുക. ഞാൻ പറഞ്ഞു.

കൂടി നിന്നിരുന്ന അയൽക്കാർ എല്ലാം പിരിഞ്ഞുപോയി.

ഞാനും തിരികെ വീട്ടിലേക്കു നടന്നു.

അപ്പോഴും എന്റെ മനസ്സിലെ ചിന്ത മറ്റൊന്നായിരിന്നു.

"ആരാടാ ആ നല്ലവനായ കള്ളൻ"